माईत वसेकी छोरीलाई गोली हानी हत्या गररे फरार भएको वैतडीको पुर्चौडी नगरपालिका–१० विजयपुरका ६५ बर्षीय धनबहादर महरालाई प्रहरीले पक्राउ गरेको छ ।

दोगडाकेदार गाउँपालिका–८ माल्लेकबाट उनलाई पक्राउ गरिएको हो । २० बर्षीया छोरी बेलमती महरा (धामी) लाई गोली हानेर माघ २४ गतेदेखि उनी फरार भएका थिए । सोही राती उनले आफ्नो अर्को घरमा आगजनी पनि गरेका थिए ।

दुईवटी श्रीमती रहेका महराको कान्छी श्रीमतीसँग विवाद भएपछि छोरीले मिलाउन खोजेकी थिईन । उनले एक महिनादेखि माइतमै रहेकी छोरीमाथि नै गोली प्रहार गरेको प्रहरीले जनाएको छ ।

मृतक बेलमतीको शव परीक्षण पछि परिवारलाई जिम्मा लगाईएको छ ।