कालिकोटको आठबीस नगरपालिका १ को सेलाघाटमा सवारी दुर्घटना हुँदा ज्यान गुमाउनेको संख्या दुई पुगेको छ । कालीकोटबाट सुर्खेत हिँडेको कर्णाली प्रदेश ०२ ०० ख ०२४७ नम्बरको गाडी दुर्घटनामा परेको थियो ।

दुर्घटनामा कालीकोट शुभकालिका गाउँपालिका २ का ३७ वर्षीय जितेन्द्र शाही र नरहरिनाथ गाउँपालिकाका २१ वर्षीय कमल विकको ज्यान गएको छ। शाहीको घटनास्थलमै ज्यान गएको हो भने विकको उपचारका क्रममा पादुका मेडिकल हलमा ज्यान गएको प्रदेश प्रहरी कार्यालयका सूचना अधिकारी एवम् प्रहरी वरिष्ठ उपरीक्षक (एसएसपी) अर्जुन चन्द्रले बताए।

१७ जना यात्रु रहेको गाडिका अन्य १० जना घाईतेलाई उपचारका लागि सुर्खेत पठाइएको छ ।