नेकपा एमालेका अध्यक्ष केपी शर्मा ओलीले विदेश विभाग प्रमुख रहेका माधव नेपालको जिम्मेवारी खोसेका छन् ।

शुक्रबार बसेको ओली पक्षिय केन्द्रीय कमिटीको अनौपचारिक बैठकले नेपालको जिम्मेवारी खोसेर उक्त जिम्मेवारी राजन भट्टराईलाई दिएको छ । यसैगरी माधव नेपाल पक्षका अन्य नेताहरुलाई पनि जिम्मेवारी मुक्त गरिएको छ ।

सातै प्रदेशका इन्चार्जमा केपी ओली पक्षका नेता जिम्मेवारीमा पुगेका छन् भने अध्यक्ष र महासचिव बाहेक सबै पदाधिकारी हटाइएको छ। पदाधिकारीमा माधवकुमार नेपाल र झलनाथ खनाल पक्षको बहुमत थियो।

यस्तै पार्टीको प्रवक्ता प्रदीप ज्ञवाली भएका छन् ।

यसैगरी नेकपा एमालेको केन्द्रीय सदस्यमा गृहमन्त्री रामबहादुर थापा बादलसहित २३ माओवादी नेता थपिएका छन । निर्णय अनुसार माओवादीसँग एकता गर्दा मनोनित भएका ४२ जना स्वतः केन्द्रीय सदस्य भएका छन् । योसंगै अब एमालेको केन्द्रीय कमिटी २६४ सदस्यीय भएको छ ।

माओवादी केन्द्रबाट आएका रामबहादुर थापा बादललाई प्रदेश ३ को इन्चार्ज वनाईएको छ ।