केपी शर्मा ओलीलाई प्रधानमन्त्रीवाट हटाउने विषयमा नेपाल कम्युनिस्ट पार्टी माओवादी केन्द्रका अध्यक्ष पुष्पकमल दाहाल प्रचण्डले नेकपा एमालेका वरिष्ठ नेता झलनाथ खनाल र माधवकुमार नेपालसँग छलफल गरेका छन् ।

आईतवारको केन्द्रीय कमिटी बैठक स्थगित गरेर नेपाल निवास कोटेश्वर पुगेर प्रचण्डले खनाल र नेपालसँग ओलीलाई हटाउने विषयमा छलफल गरेका हुन् ।

वैठकमा सातै प्रदेश, सम्पर्क मञ्च, प्रवास र विशेष प्रदेश कमिटीका नेताहरुको बिफ्रिङ सुनेपछि प्रचण्डले नेपाल र खनालसँग भावी रणनीतिबारे छलफल गरको श्रोतले जनाएको छ । ओलीलाई प्रधानमन्त्रीबाट हटाउने र नयाँ सरकार कसरी बनाउने विषयमा उनीहरु विच कुराकानी भएको जनाईएको छ ।

प्रचण्डले ओलीलाई हटाउन विभिन्न दलसँग छलफल गरिरहेको र एमालेको नेपाल खनाल समूहलाई पनि साथ लिने प्रयास गरिरहेको श्रोतको दावी छ । प्रचण्डले जसपा र कांग्रेसका नेताहरुसँग पनि निरन्तर छलफल गरिरहेका छन् ।