बारामा १४ वर्षे बालकको हत्यामा संलग्न ३ जनालाई पक्राउ गरीएको छ ।

जीतपुर सिमरा उपमहानगरपालिका १० का १४ वर्षीय बालक हसाहिद हुसेन मिया अन्सारीको हत्या आरोपमा उनीहरुलाई पक्राउ गरिएको हो । गत फागुन २८ गते वालक मियाँ मृत अवस्थामा फेला परेका थिए ।

हत्यामा संलग्न भएको अभियोगमा प्रहरीले भलुहीटोलका कियामुदिन मंसुरी, अफसान भनिने अमर हुसेन मियाँ हजाम र आबेदिन मिया अन्सारीलाई पक्राउ गरेको छ । 

अन्सारी फागुन ११ गतेदेखि हराएको भन्दै प्रहरीमा निवेदन परेको थियो । हराएको १७ दिन पछि गाउँकै एउटा उद्योग नजिक उनको शव फेला परेको प्रहरीले जनाएको छ ।

पारिवारिक र प्रेम सम्बन्धका कारण अन्सारीको हत्या भएको प्रहरीले जनाएको छ ।

हत्या