काठमाण्डौ–तराई मधेश द्रुतमार्ग (फास्ट ट्र्याक) निर्माणका क्रममा भएको भनिएको अनियमितता छानविन गर्न सङ्घीय संसद्अन्तर्गतको प्रतिनिधि सभाको विकास तथा प्रविधि समितिले उपसमिति गठन गरेको छ ।

सिंहदरबारमा सोमवार बसेको समितिको बैठकले फास्ट ट्र्याक निर्माणको दोश्रो चरणको ठेक्का प्रक्रियामा भएको भनिएको अनियमितताबारेमा अध्ययन गर्न सांसद गणेश पहाडीको संयोजकत्वमा ५ सदस्यिय उपसमिति गठन गरेको हो ।

जिपछिरिङ लामा, इन्दु शर्मा, अनिल झा र केदार सिग्देल सदस्य रहेको उपसमितिलाई दोस्रो चरणको ठेक्का प्रक्रियामा ठेकेदार छनोट, बुङ्गमती खोकना क्षेत्रमा देखिएको विवाद, निर्माणका क्रममा भएका कमी कमजोरी र समयमै निर्माण सम्पन्न हुने÷नहुनेबारे अध्ययन गर्न भनिएको छ ।

काठमाण्डौ–तराई मधेश द्रुतमार्ग निर्माणको जिम्मा लिएको नेपाली सेनाले निर्माण प्रक्रियाको दोस्रो चरणमा ठेकेदार कम्पनी छनोट गर्दा अनियमितता भएको उजुरीपछि समितिले त्यसतर्फ चासो देखाएको हो ।

फास्ट ट्र्याक अनियमितता उपसमिति छानविन