कोरोना संक्रमितको संख्या वढ्दै गए पुनः लकडाउनः स्वास्थ्य मन्त्रालय
भारतमा कोरोना संक्रमणको दोस्रो वेभ सुरु भएपछि नेपालमा पनि त्यसको चिन्ता सुरु भएको छ । भारतीय सिमा नाका खुल्ला रहेको र नाकामा आवत जावत भईरहेकाले संक्रमणले सजिलै नेपाललाई असर गर्ने भएका कारण चिन्ता सुरु भएको हो ।
स्वास्थ्यकर्मीहरुले भारतमा कोरोना संक्रमितको संख्या बढेकाले नेपालमा पनि केही हप्तामा नै संक्रमणको संख्या बढ्दै जान सक्ने बताएका छन् । दोस्रो चरणको कोरोना महामारी न्यूनिकारण लागि सबै सर्तक हुनुपर्ने वताउँदै उनीहरु भन्छन–‘विशेष गरी दीर्घ रोग भएका व्यक्तिले सावधानी अपनाउने र शंका लागेमा तुरुन्त जँचाउनुपर्छ ।’
स्वास्थ्य तथा जनसंख्या मन्त्रालयले कोरोना संक्रमितको संख्या उच्च हुदै गए पुनः लकडाउन हुन सक्ने जनाएको छ । संक्रमणको चक्र रोक्नका लागि लकडाउनको आवश्यक्ता पर्न सक्ने मन्त्रालयको ठम्याई छ।
मन्त्रालयका सहप्रवक्ता डा.समीरकुमार अधिकारीले अनावश्यक भिडभाड, मास्क प्रयोग र सामाजिक दुरीको वेवास्ता, गोष्ठी तथा राजनीतिक दलका कार्यक्रम लगायतले संक्रमितको संख्या बढेको वताए ।
उनले होली पनि घरमै बसेर मनाउन आग्रह गरे।
