ताप्लेजुङको दोभान बजारमा भीषण आगलागी
ताप्लेजुङको मेरिङदेन गाउँपालिकास्थित दोभान बजारमा मंगलबार भीषण आगलागी भएको छ ।
बिहान करिव ९ बजेतिर भोला पौडेलको घरबाट सल्किएको आगो बस्तीभरि फैलिएको छ भने हालसम्म पनि आगो नियन्त्रणमा आएको छैन । सदरमुकाम फुङलिङबाट आएको दमकल र एक्स्काभेटरको सहयोगले बजारमा थप आगो फैलिन रोकिएको छ।
आगलागी फैलन नदिन डोजरले कच्ची घरहरू भत्काएको स्थानीयले जानकारी दिएका छन् ।
पौडेलको घरमा रहेको कपडा पसलमा बिजुली सर्ट भएर आगो लागेको स्थानीयको भनाई छ । दोभान जिल्लाकै दोस्रो ठूलो व्यापारिक केन्द्र हो ।
आगलागी
