म्यानमारमा सेनाको गोली लागेर एकैदिन ९० जनाभन्दा धेरैको मृत्यु
म्यानमारमा सेनाको गोली लागेर एकैदिन ९० जनाभन्दा धेरै प्रदर्शनकारीको मृत्यु भएको छ ।
शनिवार सेना दिवसकै दिन सेनाले चलाएको गोली लागेर मारिनेमा बच्चासहित ९० जनाभन्दा धेरै रहेको अन्तर्राष्ट्रिय सञ्चारमाध्यमहरुले जनाएका छन् । नेतृ आङ सान सुकीसहितका नेताहरुको रिहाइको माग गर्दै उनीहरु प्रदर्शनमा थिए। तर, उनीहरुमाथि अन्धाधुन्ध गोली चलाएको जनाईएको छ ।
सेनाको यो कदमको अमेरिका, बेलायत र युरोपियन युनियनका अधिकारीहरुले निन्दा गरेका छन् । बेलायतका राजदूत डान चगले विज्ञप्ति निकालेर निर्दोष नागरिकमाथि गोली चलाएर म्यानमारको सेनाले आफ्नो प्रतिष्ठा गुमाएको भन्दै विरोध गरेका छन् ।
म्यानमारमा सेना विरोधी प्रदर्शनका क्रममा अहिलेसम्म ४ सयभन्दा धेरै प्रदर्शनकारीहरुले ज्न्यान गुमाइसकेका छन् । प्रदर्शनकारीमाथि गोली चल्दै गर्दा सेना दिवसको अवसरमा म्यानमारका सैनिक प्रमुख जनरत मिन आङ लाइङले प्रजातन्त्र सुरक्षित रुपमा पुनःस्थापित गर्ने प्रतिबद्धता जनाएका थिए ।
उनले सेना नै सत्तामा आउनुपर्ने र नेतृ आङ सान सुकी र सुकी नेतृत्वको पार्टीले अवैध काम गरेको आरोपसमेत लगाएका थिए ।
म्यानमार सेना गोली आङ सान सुकी
