ओली समूहको संसदीय दलको बैठकमा ११५ सांसद उपस्थित !
नेकपा ओली समूहको संसदीय दलको बैठकले शनिवार वालुटारमा वसेको छ । वैठकमा प्रतिनिधिसभाका ९१ र राष्ट्रिय सभाका २४ सदस्य गरी ११५ सांसद उपस्थित भएको जनाईएको छ ।
ओली समूहले बैठकमा सहभागी हुन प्रचण्ड–माधव समूहका सांसद र एकता अभियान सञ्चालन गरिरहेका वामदेव गौतमलाई पनि निम्तो दिएको थियो । तर, उनीहरू भने सहभागी नभएको राष्ट्रिय सभाका नेकपा प्रमुख सचेतक खिमलाल भट्टराईले जानकारी दिए ।
यसअघि शुक्रबार नेकपा प्रचण्ड–माधव समूहको संसदीय दलको बैठक बसेको थियो । बैठकमा १११ जना सांसद उपस्थित भएका थिए । बैठकले प्रचण्डलाई संसदीय दलको नेतामा चयन गरेको थियो ।
गत ५ पुसमा प्रधानमन्त्री केपी ओलीले प्रतिनिधिसभा विघटन गरेपछि नेकपा दुई समूहमा विभाजित भएको छ ।
संसदीय दलको बैठक नेकपा ओली समूह
