मेरो कपाल कालै हुँदा सुरु भएको मेलम्ची आयोजना कपाल सेतै भएपछि पुरा भयोः प्रम
प्रधानमन्त्री केपी शर्मा ओलीले आफनो कपाल कालै हुँदा सुरु भएको मेलम्ची आयोजना कपाल सेतै भएपछि पुरा भएको भन्दै खुसी ब्यक्त गरेका छन् ।
मेलम्चीको पानी काठमाडौं सुरुङ्गमार्फत काठमाण्डौ ल्याएर वाग्मती नदीमा झारेपछि उनले यसरी खुसी ब्यक्त गरेका हुन । प्रधानमन्त्री ओलीले मेलम्चीको पानी वाग्मती नदीमा खस्नु आफ्नो कार्यकालको ठूलो सफलता भएको पनि बताए।
मेलम्ची आयोजनाको पानी पहिलोपटक शनिबार सुन्दरीजलस्थित प्रशोधन केन्द्रमा खसेको हो।
गत फागुन १० गते परीक्षणका लागि सुरुङमा हालिएको पानी आज आइपुगेको हो। अब दुईवटा प्रशोधन केन्द्रमा पानी खसालेर वितरण प्रणालीमा जोडिने छ।
