पुनःस्थापित संसद बैठक बस्नुअघि नेकपा प्रचण्ड–माधव समूहका अध्यक्ष पुष्पकमल दाहाल प्रचण्ड र माधवकुमार नेपालले सभामुख अग्निप्रसाद सापकोटासँग भेटवार्ता गरेका छन् ।

सभामुख सापकोटाको कार्यकक्ष सिंहदरबारमा उनीहरुविच भेट भएको हो। उनीहरुको विचमा भएको कुराकानी सार्वजनिक भएको छैन । तर पुनःस्थापित संसद बैठक बस्नुअघि भएको यो भेटलाई निकै अर्थपूर्ण मानिएको छ ।

पुनःस्थापित प्रतिनिधिसभाको बैठक दिउँसो चार बजे बस्दैछ । नेकपा दुई खेमामा बाँडिए पनि औपचारिक रुपमा विभाजित नभइसकेको र दुवै पक्षले आ–आफ्ना संसदीय दलका नेता तथा प्रमुख सचेतक घोषणा गरेको अवस्थामा बस्न लागेको बैठकलाई सवैले चासोका रुपमा हेरेका छन् ।

नेकपाको ओली समूहले भने सभामुख सापकोटाको कै भूमिका प्रति असन्तुष्टि जनाउँदै आएको छ । प्रधानमन्त्री केपी ओलीले उनलाई किर्ते गरेको आरोप लगाउँदै आएका छन् ।