प्रचण्ड–माधव नेतृत्वको नेकपा स्थायी कमिटी बैठक सरेको छ। सोमवार विहान ११ बजेका लागि बोलाइएको स्थायी कमिटी बैठक दिउँसो ३ बजेका लागि सारिएको जनाईएको छ ।

सर्वोच्च अदालतले गरेको फैसलाका सम्बन्धमा थप छलफल गर्न समय आवश्यक भएपछि बैठक सारिएको नेता देव गुरुङले वताए । बैठक पार्टी कार्यालय पेरिसडाँडामा बस्ने उनले बताए । 

नेकपा नामको विवादमा सर्वोच्च अदालतले गरेको फैसालाले राजनीतिमा नयाँ तरंग पैदा गरेको छ । सर्वोच्च अदालतले आइतबार नेकपाको नाम ऋषि कट्टेल अध्यक्ष रहेको पार्टीलाई दिएर तत्कालीन एमाले र माओवादी केन्द्र ब्युँताइदिएपछि उत्पन्न पछिल्लो राजनीति झनै पेचिलो बनेको छ।