यसवर्षको माध्यमिक शिक्षा परीक्षा (एसईई) आगामी जेठ १३ देखि २४ गतेसम्म सञ्चालन हुने भएको छ ।

राष्ट्रिय परीक्षा बोर्डले ०७७ सालको एसईई परीक्षा २०७८ जेठ १३ गतेदेखि सञ्चालन गर्ने निर्णय गरेको छ।

गत माघ २६ गतेको मन्त्रिपरिषद बैठकले एसईई परीक्षा राष्ट्रिय परीक्षा बोर्डले नै सञ्चालन गर्ने निणर्य गरेको थियो। मन्त्रिपरिषद बैठकको निणर्याअनुसार राष्ट्रिय परीक्षा बोर्डले नै एसईई परीक्षा सञ्चालनका लागि तयारी गरेको बोर्डले जनाएको छ।

गत वर्ष भने कोरोना भाइरस माहामारीका कारण विद्यालयहरुले गरेको आन्तरिक मूल्याङ्कनको आधारमा ग्रेड निर्धारण गरी एसईईको नतिजा प्रकाशन भएको थियो।