नयाँ भेरियन्टको कोरोना भाइरस संक्रमण नियन्त्रणबाहिर जान लागेपछि भारतको राजधानी दिल्लीमा कर्फ्यू घोषणा भएको छ ।

दिल्ली सरकारका मुख्यमन्त्री अरविन्द केजरीवालले बिहीबार भच्र्युअल पत्रकार सम्मेलन मार्फत् कर्फ्यु बारे जानकारी गराएका हुन् । कफ्र्यु अवधि शुक्रवार राति १० वजेदेखि सोमवारसम्म रहने बताइएको छ ।

दिल्लीका मुख्यमन्त्री अरविन्द केजरीवालले कफ्र्यू अवधिभित्र अत्यावश्यक सेवा र अन्तरराज्य सार्वजनिक यातायात भने चालू रहनेछ । तर, सबै किसिमका बजार, मलहरु बन्द रहनेछन् । 

सिनेमा हल तीस प्रतिशत क्षमतामा चल्न दिइने भएको छ । निजी कार्यालयहरुलाई घरबाटै काम गराउन व्यवस्था मिलाउन निर्देशन दिइने मुख्यमन्त्री केजरीवालले बताए। मुख्यमन्त्री केजरीवाल र उच्च अधिकारीबीच बिहीबार बिहान भएको छलफल यस्तो निर्णय लिइएको हो । 

मुख्यमन्त्री केजरीवालले कोभिडविरुद्ध लड्न लकडाउन सबैभन्दा उपयुक्त विकल्प रहेको बताएका छन्  । दिल्लीमा केही दिनयता कोरोना संक्रमण तीब्र रुपमा फैलिरहेको छ । बुधबार मात्र १७ हजार २८२ जना नयाँ संक्रमित थपिएका छन् । जुन कोरोना महामारी सुरु भएयताकै उच्च दर हो । 

संक्रमणबाट बुधबार मात्र १ सय जनाको मृत्यु भएको थियो । भारतमा वुधवार २ लाख ७ सय ३९ जनामा संक्रमण पुष्टि भएको थियो । जुन कोरोना महामारी सुरु भएयताकै सबैभन्दा बढी हो । संक्रमणबाट १ हजार ३८ जनाको मृत्यु भईसकेको छ। 

नयाँ भेरियन्टको कोरोना भाइरस संक्रमण नियन्त्रणबाहिर भारतको राजधानी दिल्लीमा कर्फ्यू