कर्णाली प्रदेशसभाका एमाले संसदीय दलका नेता यामलाल कँडेलले सरकारनिकट सांसदहरूवाटै अन्य सांसदहरुको चरित्र हत्या गर्ने काम भएको भन्दै त्यसको निन्दा गरेका छन् ।

शुक्रवारबाट शुरू भएको प्रदेशसभा अधिवेशनलाई सम्वोधन गर्दै कँडेलले एमालेमा सांसदहरूको चरित्र हत्या गर्ने किसिमले गतिविधि र प्रचारवाजी भईरहेकोले त्यसो नगर्न चेतावनी समेत दिए ।

‘यो नेतृत्वले नै गरेको होला त म भन्दिनँ, तर नेतृत्वसँग जोडिएका नेता–कार्यकर्ताबाट जे गतिविधि देखिएको छ, त्या गलत हो। म सम्मानित सभाबाट भन्न चाहन्छु, हाम्रो दल र दलका माननीयको सार्वजनिक प्रतिष्ठामा आँच पुर्याउने काम नहोस्’– उनले भने।

पार्टी केन्द्रमा विवाद भए पनि प्रदेशमा आफूहरू एकजुट रहेको उनले जिकिर गरे । ‘हाम्रो पार्टीमा सांगठनिक समस्या देशभर छन्, त्यसको हामी समाधान गर्ने छौं’ उनले भने–‘तर, केन्द्रको विवादलाई आधार बनाएर गरिने कुराहरुले न हाम्रो सम्वन्ध सुमधुर हुन्छ न राम्रो संस्कार बस्छ ।’

कर्णाली प्रदेशका ३९ जना एमाले सांसदहरू एक ठाउँ रहेको उनले बताए । 

कर्णाली प्रदेशसभा एमाले संसदीय दल यामलाल कँडेल सांसदहरुको चरित्र हत्या