भक्तपुर नगरपालिका–१ चुनदेवीमा शुक्रवार विहान तिव्र गतिको मोटरसाइकल दुर्घटना हुँदा दुई जनाको मृत्यु भएको छ ।

अरनिको राजमार्ग सडकखण्ड अन्तर्गत सल्लाघारीबाट सूर्यविनायकतर्फ जाँदै गरेको प्रदेश नम्बर ३–०२–०११ प ८२५० नम्बरको मोटरसाइकल अनियन्त्रित दुर्घटना भएको हो । सडक किनाराको बारमा ठोक्किएर दुर्घटना हुँदा दुई जनाको मृत्यु भएको प्रहरीले जनाएको छ ।

दुर्घटनामा बाँके नेपालगञ्ज घर भइ काठमाडौं पुतलीसडक बस्ने २० वर्षीय सूर्य ओली र भोजपुर साल्पासिलिछो चौकीडाँडा घर भइ पुतलीसडक बस्ने १८ वर्षीय सुमन गिरीको मृत्यु भएको जनाईएको छ ।

दुर्घटनाबाट घाइते दुवैको मध्यपुर अस्पताल नयाँ थिमिमा उपचारका क्रममा मृत्यु भएको महानगरीय प्रहरी परिसर भक्तपुरका प्रवक्ता डीएसपी दिपक गिरीले बताए ।