काठमाण्डौमा एक ब्यक्ति भाउजुको हत्या गरी आफै प्रहरी कार्यालयमा पुगेका छन् । काठमाण्डौ महानगरपालिका १० अनामनगरमा भाउजु रोशनी राजभण्डारीको हत्या गरेर देवर नाता पर्ने मोहन राजभण्डारी महानगरीय प्रहरी वृत्त नयाँ बानेश्वरले पुगेका हुन् ।

देवर ४८ वर्षिय मोहनले बुलबुले मार्गको गल्लीमा भाउजु रोशनीलाई फलामको रडले टाउकोमा हानेर गम्भीर घाइते बनाएका थिए। ट्रमा सेन्टरमा उपचारका क्रममा उनको मृत्यु भएको प्रहरीले जनाएको छ ।

भाउजुको हत्या गरेको स्वीकार गर्दै मोहन राजभण्डारी आफै महानगरीय प्रहरी परिसर टेकुमा उपस्थित भएको प्रहरीले जानकारी दिएको छ ।

भाउजुको हत्या गरिसकेपछि मोहन आफैं ट्याक्सीमा महानगरीय प्रहरी कार्यालय टेक पुगेका थिए। गेटमा ड्युटी बसेका प्रहरीले राति प्रहरी कार्यालय किन आएको भनेर सोध्दा उनले भाउजुको हत्या गरेको र आत्मसमर्पणका लागि आएको बताएका थिए।

घटनाको थप अनुसन्धान भईरहेको प्रहरीले जनाएको छ।