सुनसरीमा कोरोना संक्रमण वृद्धि भएको छ। नेपाल–भारतबीच खुला सिमानाका कारण संक्रमितको संख्या वृद्धि भएको हो ।

भन्सार कार्यालय र आधिकारीक नाकाहरुमा आवतजावत कडाइ गरिए पनि खुला सिमाना भएकाले सबैतिर आवतजावतमा नियन्त्रण गर्न सकिएको छैन । भण्टाबारी नाकामा हेल्प डेस्क राखिए पनि लुकिछिपी आवत जावत गर्नेको संख्या अझै नरोकिएको स्थानीहरु वताउँछन् ।

संक्रमितको संख्या बढेकाले विद्यालय, हाटबजार, भेला हुने कार्यक्रम बन्द गर्न स्थानीय तहलाई जिम्मा दिइएको जिल्ला प्रशासन कार्यालय सुनसरीले जनाएको छ ।

संक्रमितको संख्या बढेसँगै इनरुवा नगरपालिकाका विद्यालय अनिश्चित कालका लागि वन्द गरिएको छ । विद्यार्थीमा कोरोना संक्रमण हुन थालेको र संक्रमण समुदायस्तरमा फैलिएपछि विद्यालय बन्द गर्ने निर्णय गरिएको इनरुवाका नगरपालिकाले जनाएको छ।

इनरुवा–५ बलाहाको एक निजी विद्यालयमा अध्ययनरत १३ वर्षीय बालक र आमावावु समेतलार्य कोरोना पुष्टि भएपछि अन्य विद्यालय पनि बन्द गरिएको नगरपालिकाका स्वास्थ्य शाखा प्रमुख मिश्रीलाल मेहताले बताए।

सुनसरीका इनरुवा बाहेक अन्य ११ स्थानीय तहले भने हालसम्म विद्यालय वन्द गर्ने÷नगर्ने विषयमा निर्णय लिएका छैनन्। 

सुनसरीमा कोरोना संक्रमण वृद्धि नेपाल–भारतबीच खुला सिमाना संक्रमितको संख्या वृद्धि