नक्क्ली पिसिआर रिपोर्ट वोकेर विदेश जान लागेका १२२ जनालाई विभिन्न एयरलाइन्सले फिर्ता पठाएका छन् ।

सुर्या ल्यावले महंगो शुल्य लिएर नक्कली रिपोर्ट दिने गरेको जानकारी पाएपछि एयरलाईन्सहरुले उक्त ल्यावको रिपोर्ट वोकेका सवैलाई फिर्ता गरेका हुन् ।

काठमाण्डौको सूर्या ल्याबमा पिसिआर गरेर सवैलाई फिर्ता पठाइदिएको जनाईएको त्रिभुवन अन्तर्राष्ट्रिय विमानस्थल कार्यालयले जनाएको छ । सूर्या ल्याबले नौ हजार रुपैयाँ लिएर स्वाब नै नलिइ २ घण्टा भित्र नेगेटिभ रिपोर्ट दिने गरेको खुलेपछि यो अवस्था आएको हो ।

मङ्गलवार (हिजो) सूर्या ल्याबमा छापा मार्दा नौ हजार रुपैयाँ लिएर स्वाब परीक्षण विना नै कोरोना नेगेटिभ रहेको रिपोर्ट दिने गरेको भेटिएको थियो । सूर्या ल्याबका ६ जना कर्मचारीलाई प्रहरीले पक्राउ गरेको छ भने ल्याबमा सिलबन्दी गरिएको छ ।

सूर्या ल्याबको रिपोर्टका आधारमा विदेश जान समस्या रहेको भन्दै सचेत रहन विमानस्थलले आग्रह गरेको छ । 

नक्क्ली पिसिआर रिपोर्ट विदेश जान लागेका १२२ जना फिर्ता