झन धेरै बिरामी मर्न सक्छन्, पूर्ण लकडाउनको योजना छैनः स्वास्थ्य मन्त्रालय
स्वास्थ्य तथा जनसंख्या मन्त्रालयले धेरै बिरामीको मृत्यु हुने भएकाले पूर्णरुपमा लकडाउन गर्ने योजना नरहेको जनाएको छ ।
लकडाउनका कारण बिरामीलाई समेत अफ्ठेरो पर्ने हुनाले पुरै लकडाउन नै गर्ने भन्ने योजना नवनेको मन्त्रालयका प्रवक्ता डा. जागेश्वर गौतमले जनाएका छन् । ‘पुरै लकडाउन गर्दा झनै धेरै बिरामीको मृत्यु हुन जान्छ। लकडाउनका कारण बिरामीलाई समेत अफ्ठेरो पर्ने हुनाले पुरै लकडाउन नै गर्ने भन्ने कुरा भएको छैन’– उनले भने ।
कोरोना नियन्त्रण तथा रोकथामका लागि मानिसलाई सकस नहुने आवतजावत गर्नुपर्ने उनको तर्क छ ।
स्वास्थ्य मन्त्रालयले एक महिना अघि देखि गरेको आग्रहलाई वेवास्ता गरिएका कारण अहिलको अवस्था आएको गौतमले वताए । ‘एक महिना अगाडिदेखि नै आवतजावत कम गर्न, भिडभाड नगर्न, अत्यावश्यक नपरी हिँडडुल नगर्न भन्दै आयौ’ उनले भने–‘तर कसैले टेरेको छैन । त्यसको नतिजा अहिले देखिएको छ।’
भिडभाड हुने स्थानमा कडाइ गर्ने, आवतजावतलाई निकै कम गर्नेलगायत विषयमा सीसीएमसीको बैठकमा छलफल भएको उनले बताए।
