कोरोना संक्रमण बढी देखिएका जिल्लामा स्वास्थ्य संकटकाल लगाउन नेपाल चिकित्सक संघले आग्रह गरेको छ । संघले सोमबार विज्ञप्ती जारी गर्दै यस्तो आग्रह गरेको हो ।

संक्रमितको संख्या बढी रहेका कारण उपचारलाई सहज बनाउन स्वास्थ्य संकटकाल घोषणा गरी लकडाउन गर्न विज्ञप्तिमा आग्रह गरिएको छ ।

यसैगरी, निश्चित अस्पताललाई कोभिड अस्पताल बनाई उपचारमा सहज बनाउन र अस्पतालहरुमा अक्सिजन र एचडियू थप गर्न पनि संघले माग गरेको छ।

सबै अस्पतालहरुसँग समन्यय गरी नियमित स्वास्थ्य परीक्षण र अत्यावश्यक शल्यक्रिया वाहेकका सेवा वन्द गरी सबै अस्पताल संक्रमितको उपचारमा प्रयोग गर्न विज्ञप्ती मार्फत भनिएको छ ।