सत्ता समिकरणका विषयमा आधिकारीक धारणा वनाउन वसेको जनता समाजवादी पार्टीका शिर्ष नेताहरुको वैठक बिना निष्कर्ष टुंगिएको छ।

सरकारविरूद्ध अविश्वास प्रस्तावको तयारी चलिरहेका वेला मंगलबार जसपाका नेताहरुको वैठक वसेको हो ।

पार्टी केन्द्रीय कार्यालय बालकुमारीमा वसेको वैठकमा कुनै निष्कर्ष ननिस्किएको बैठकमा सहभागी एक नेताले वताए ।

यसअघि नेपाली कांग्रेस र माओवादी केन्द्रले अविश्वास प्रस्तावमा अगाडि बढाउने वा नबढाउने भन्नेबारे जसपाको औपचारिक निर्णय मागेका थिए। त्यसबारे निर्णय गर्न बसेको शीर्ष नेताको छलफल बिना निष्कर्ष टुंगिएको ति नेताको भनाई छ ।

छलफलमा महन्थ ठाकुर, बाबुराम भट्टराई, उपेन्द्र यादव, राजेन्द्र महतो, अशोक राई  र राजेन्द्र श्रेष्ठ सहभागी थिए ।

जसपामा ठाकुर र महतो केपी शर्मा ओली नेतृत्वको सरकारलाई समर्थन गर्ने पक्षमा छन् भने भट्टराई र यादव पक्ष ओलीविरूद्ध अविश्वास प्रस्ताव अगाडि बढाउने पक्षमा छन् । उनीहरु कुनै पनि सर्तमा ओलीलाई सरकारवाट आउट गर्नु पर्ने पक्षमा छन् ।

पार्टी श्रोतका अनुसार ठाकुर र महतोले ओलीलाई समर्थन गरे भट्टराई र यादव पक्षले कांग्रेस र माओवादीले ल्याउने अविश्वास प्रस्तावमा हस्ताक्षर गर्ने तयारी गरेका छन्।