मुख्यमन्त्री पृथ्वीसुब्बा गुरुङविरुद्ध दर्ता भएको अविश्वासको प्रस्तावमा मतदान हुनै लाग्दा गण्डकी प्रदेशका दुई सांसद प्रदेश सभा बैठकमा अनुपस्थित भएका छन् । स्वतन्त्र सांसद राजीव गुरुङ (दीपक मनाङे) र राष्ट्रिय जनमोर्चाका खिमविक्रम शाही अहिलेसम्म प्रदेश सभा बैठकमा उपस्थित भएका छैनन्।

दुवै सांसदको मोबाइल स्वीच अफ छ। यहि अवस्थामा भए मुख्यमन्त्री गुरुङ नेतृत्वको सरकार जोगिने छ भने अविश्वासको प्रस्ताव फेल हुनेछ । 

गण्डकी सरकार ढाल्न निर्णायक मानिएको जनमोर्चाले मुख्यमन्त्रीविरुद्ध मतदान गर्ने निर्णय गरे पनि शाही प्रदेश सभामा उपस्थित नभएपछि अविश्वासको मत फेल हुने संकेत देखिएको हो । 

६० सदस्यीय प्रदेश सभामा अविश्वासको प्रस्ताव पारित हुन ३१ मत चाहिन्छ । गण्डकीमा एमालेको २८ सांसद छन् । एमालेलेलाई स्वतन्त्र सांसद राजीव गुरुङको पनि समर्थन छ । 

त्यस्तै कांग्रेसका १५ र माओवादी केन्द्रका १२, जनमोर्चाका ३ र जसपाका २ सांसद छन् ।