मोरङको बेलबारी–२ स्थित एक कलेजका प्रिन्सिपलले आफनै छात्रामाथि यौन दुब्र्यवहार गरेको आरोप लागको छ ।

शिक्षा सन्देश म्यानेजमेण्ट कलेजका प्रिन्सिपल राजेश खत्रीले गत चैत १३ गते शैक्षिक भ्रमणका क्रममा १६ वर्षीया छात्रामाथि यौन दुव्र्यवहार गरेको आरोप लागेको हो । दवाव र प्रभावा करिव एक महिनासम्म गुपचुप राखिएको यो घट्ना प्रहरी कार्यालयमा पुग्दा समेत पञ्चायती वसेर मिलापत्र गराउने प्रयास गरिएको छ ।

पीडित बालिकाका आफन्त प्रिन्सिपल खत्रीलाई कारबाहीको माग गर्दै प्रहरीमा पुगेपछि सामाजिक  अगुवाहरूसहितको पञ्चायती बसेर गाउँमा घटना मिलात्रप गराउने प्रयास गरेको खुलेको छ । 

घटना मिलाउन भन्दै पटक–पटक छलफल बसेका थिए । घटना लुकाउन पीडित परिवारलाई दबाव दिने गरेका थिए । यौन दुव्र्यवहारको आरोप लागेका खत्री नेपाली काङ्ग्रेस बेलबारीको नगरसचिव भएका कारण जोगाउन काङ्ग्रेस र एमालेका नेता समेत लागेर मिलापत्र गर्न परिवारलाई दवाव दिएको आरोप छ।

स्थानीय नेताहरुले गाउँघरको कुरा बाहिर लैजान नहुने भन्दै पीडित परिवारलाई मिल्न दबाव दिएको अडियो रेकर्ड समेत सार्वजनिक भएको छ । आफन्त प्रहरी कार्यालयमा पुगेपछि पछिल्लो एकसातामा घटना मिलाउन भन्दै दुईपटक पञ्चायती बसेको पीडित परिवारका सदस्यले जानकारी दिएका छन् । 

शैक्षिक भ्रमणमा गएकी छात्रालाई शिक्षकले चैत १३ गते यौन दुव्र्यवहार गरेका थिए । अन्य विद्यार्थी घुम्न गएका बेला एक्लै बसेको अवस्थामा दुव्र्यवहार भएको पीडितले बताएकी छन् ।  

काठमाण्डौं भ्रमणमा गएको टोली चैत १५ गते बिहान फर्किएको थियो । त्यसपछि कलेज प्रशासनले बोलाएको छलफलमा पनि दुव्र्यवहार गरेको पीडित छात्राका बाबुले बताए । 

इलाका प्रहरी कार्यायल बेलबारीका प्रमुख इन्स्पेक्टर सरोज खनालले बालिकामाथि यौन दुव्र्यवहार भएको घटनाको उजुरी नआएको बताए । घटनाको विषयमा बाहिरी रूपमा जानकारी आए पनि पीडित परिवार उजुरी लिएर नआएको बताए ।