पुल भत्किँदा त्रिशूलीमा बेपत्ता दुवै जनाको शव भेटियो
भरतपुर महानगरपालिका–१ स्थित ठिमुरा–देवघाट जोड्ने निर्माणाधीन पुल भत्किँदा त्रिशूली नदीमा बेपत्ता भएका दुवै जना मृत भेटिएका छन् ।
पुल निर्माणका क्रममा वैशाख १२ गते भाँच्चिँदा एक जनाको मृत्यु हुनुका साथै दुई जना बेपत्ता भएका थिए । वेपत्ता मध्ये एकको शव बुधबार र अर्काको बिहीबार फेला परेको हो ।
बिहीबार भारतको पश्चिम चम्पारणका २८ वर्षीय श्यामबाबु पाठकको शव भेटिएको छ । उनीहरुको शव पुलमुनि भेटिएको जिल्ला प्रहरी कार्यालय चितवनले जनाएको छ ।
गोताखोरको टोलीले निकालेको शव भरतपुर अस्पतालको शवगृहमा राखिएको छ ।
