कर्णाली प्रदेश सरकामरमा रहेका एमालेका तीन मन्त्रीले सामुहिक राजीनामा दिएका छन् ।  संसदीय दलको वैठकले दिएको निर्देशन अनुसार उनीहरुको राजिनामा आएको हो ।

आर्थिक मामिला तथा योजना मन्त्री प्रकाश ज्वाला, सामाजिक विकास मन्त्री दल रावल र उद्योग पर्यटन वन तथा वातावरण मन्त्री नन्दसिंह बुढाले सामुहिक रुपमा सरकार छोडेका हुन। तिनै जना माधव नेपाल समूहका हुन् ।

तीन मन्त्रीको राजीनामा दिएपनि मुख्यमन्त्री महेन्द्रबहादुर शाहीले भने आफूसँग सरकार जोगाउने विकल्प बाँकी रहेको बताएका छन् ।

एमाले मन्त्रीहरूले राजीनामा दिन लागेपछि मुख्यमन्त्री शाहीले अन्तिम क्याबिनेट बैठक बस्न प्रस्ताव गरेका थिए ।

चैत ४ गते बसेको एमाले संसदीय दलको बैठकले सरकारलाई दिएको समर्थन फिर्ता लिइएको घोषणा गरेको थियो । उक्त निर्णयमा माधवकुमार नेपाल समूहका सांसद उपस्थित थिएनन्। केही सांसदले समर्थन कायमै रहेको बताउँदै आएका थिए। आइतबारको बैठकमा भने दुबै पक्षका १९ जना सांसद सहभागी थिए।
 

कर्णाली प्रदेश राजीनामा सरकार एमालेका मन्त्री