माओवादी केन्द्रको विरोधका कारण वुधवार बागमती प्रदेशको प्रदेशसभा बैठक अवरुद्ध भएका छ। प्रदेशसभामा दर्ता गरिएको अविश्वासको प्रस्तावका विषयमा विरोध भएपनि प्रदेश सभा अवरुद्ध भएको हो ।

माओवादी केन्द्रले मंगलवार पनि संसद अवरुद्ध गरेको थियो । वुधवारको बैठकमा मुख्यमन्त्रीविरुद्ध ल्याएको अविश्वासको प्रस्ताव फिर्ता लिने सम्बन्धी प्रस्ताव प्रदेश सभामा छलफलका लागि ल्याईएको थियो । उक्त प्रश्ताव सहमति बिनै बैठकमा पेश गरिएको भन्दै माओवादीका सांसदले विरोध गनाए ।

प्रस्ताव पेश गरेलगत्तै माओवादी संसदीय दलका नेता शालिकराम जम्मकट्टेले प्रस्तावमाथि छलफल नगराउन माग गरेका थिए । तर, उनको माग सुनुवाई नभए पछि माओवादीले सोही क्रममा बैठक अवरुद्ध गराएको हो ।

माओवादीको अवरोधकै कारण प्रदेशसभा बैठक स्थगित गरिएको जनाईएको छ । अर्को बैठक विहिवार ११ बजेका लागि निर्धारण गरिएको छ ।