ओलीको विकल्प खोज्न देउवाले वोलाए तीन दलको वैठक
सत्ता सहकार्यका विषयमा छलफल गर्न प्रमुख प्रतिपक्षी दल नेपाली कांग्रेसले तीन दलको बैठक बोलाएको छ।
कांग्रेस सभापति शेरबहादुर देउवाले शुक्रबार ३ बजे वस्ने गरी कांग्रेस, नेकपा माओवादी केन्द्र र जनता समाजवादी पार्टी (जसपा) को बैठक बोलाएका हुन्।
नेपाली कांग्रेसले प्रधानमन्त्री केपी शर्मा ओलीको राजिनामा माग्ने निर्णय गरेको निकै दिनपछि देउवाले तीन दलिनय वैठक वोलाएका हुन् । माओवादी केन्द्रले लामो समयदेखि ओलीको वहिर्गमन चाहेको छ । तर, सरकारलाई दिएको विस्वासको मत भने फिर्ता लिन सकेको छैन ।
यसैगरी जसपा पनि अहिलेसम्म अनिर्णित नै छ। जसपाका नेताहरुले सरकारसँग पटक पटक वार्ता गरे पनि निकास निस्कन सकेको छैन । महन्थ ठाकुर र राजेन्द्र महतो आफ्ना माग पूरा हुने भए सरकारमा जाने पक्षमा देखिएका छन् भने डा बाबुराम भट्टराई र उपेन्द्र यादव भने कुनै पनि सर्तमा ओली सरकारमा सहभागि नहुने वताउँदै आएका छन् ।
शुक्रवारको वैठकमा ओलीको विकल्प खोज्नुपर्ने विषयमा नै छलफल हुने जनाईएको छ ।
