माधव नेपाल पक्षका तीन नेता ओली पक्षसँग छलफलमा छन् । उनीहरुले सांसद पदबाट राजीनामा नदिने पक्षमा वकालत गरिरहेका छन् ।

प्रधानमन्त्री केपी शर्मा ओलीले विश्वासको मत लिनकासंसद बैठक बस्न लागेका बेला नेपाल पक्षका घनश्याम भुसाल, योगेश भट्टराई र गोकर्ण विष्ट ओली पक्षका नेतासँग वार्तामा वसेका हुन । ओली पक्षको प्रतिनिधित्व अर्थमन्त्री विष्णु पौडेलले गरिरहेका छन् ।

दुवै पक्षको छलफल सिंहदरबारस्थित एमाले संसदीय दलको कार्यालयमा चलिरहेको छ।

यी नेताहरुले राजीनामाको विपक्षमा उभिएपछि माधव पक्ष अनुपस्थित हुने तर राजीनामा नदिने निष्कर्षमा पुगेको थियो । त्यसपछि नेताहरुबीच बेग्लै छलफलपछि बिष्णु पौडेलसँग वार्ता भएको हो । 

माधव पक्षको केहीबेर अघि सकिएको बैठकले प्रधानमन्त्री ओलीलाई विश्वासको नदिन संसदमा अनुपस्थित हुने निर्णय गरेको थियो। तर, यी चार नेता भने संसदमा उपस्थित हुने पक्षमा छन।