प्रधानमन्त्रीले विश्वासको मत लिने प्रयोजनका लागि संसदको अधिवेशन सुरु
प्रधानमन्त्री केपी शर्मा ओलीले विश्वासको मत लिने प्रयोजनका लागि बोलाइएको संसदको विशेष अधिवेशन सुरु भएको छ ।
विशेष अधिवेशन बैठकमा प्रधानमन्त्री ओलीले विश्वासको मत लिने कार्य सूचि छ ।
राष्ट्रपतिको पत्र पढेर सुनाएपछि बैठक १५ मिनेटका लागि स्थगित भएको छ । अब बस्ने बैठकमा प्रधानमन्त्री ओलीले विश्वासको मत लिने बारे सम्बोधन गर्ने छन् ।
कोरोना भाइरसको संक्रमण नरहेको पुष्टि गर्ने पीसीआर रिपोर्ट भएका सांसदहरुलाई मात्रै संसद भवनमा प्रवेश दिइएको छ ।
कोरोना भाइरसबाट संक्रमित भएका सांसदहरुले पनि मत हाल्न पाउने गरि विशेष व्यवस्था गरिएको छ।
विश्वासको मत प्राप्त गर्नका लागि प्रधानमन्त्री ओलीलाई १३६ सांसदको समर्थन चाहिन्छ । प्रधानमन्त्री ओली अध्यक्ष रहेको नेकपा एमालेका १२१ सांसद छन् । प्रमुख विपक्षी दल नेपाली कांग्रेसका ६१ सांसद छन् र उसले विपक्षमा मत दिने बताएको छ ।
४८ सांसद रहेको माओवादी केन्द्रले पनि विपक्षमा मत हाल्न भएको छ भने ३२ सांसद रहेको जसपाले ह्वीप जारी गरेको छैन र उसका सांसदले व्यक्तिग विवेकका आधारमा मतदान गर्ने बताइएको छ ।
प्रतिनिधि सभा विशेष अधिवेशन विस्वासको मत
