सर्वोच्च अदालतले कोरोनाको उपचार तथा नियन्त्रणका लागि थप अस्पताल सञ्चालनमा ल्याउन सरकारलाई आदेश दिएको छ ।

न्यायाधीश बमकुमार श्रेष्ठको इजालासले संक्रमितका लागि आवश्यक पर्ने औषधि र अक्सिजनको आपूर्ति सहज बनाइ, थप साधनयुक्त अस्पतालहरू सञ्चालनमा ल्याउन र अस्पतालमा बिरामीहरूको चापलाई ख्याल गरी जनशक्तिको आपूर्ति तत्काल गर्न स्वास्थ तथा जनसंख्या मनत्रालयको नाममा अन्तरिम आदेश जारी गरेको हो ।

अधिवक्ता शैलेन्द्रप्रसाद अम्वेडकर र मेहना अन्सारीले दायर गरेको रिट निवेदनमाथि सुनुवाई गर्दै न्यायाधीश वमकुमार श्रेष्ठको एकल इजलासले अस्पाताल, अक्सिजनलगायतका पूर्वाधार तत्काल तयार पार्न अन्तरिम आदेश दिएको हो।

नागरिकको स्वास्थ्यमा प्रत्यक्ष र सरोकार राख्ने स्वास्थ्य अस्पताल, अक्सिजन र जनशक्तिको व्यवस्थापनका लागि आवश्यकता अनुसार कार्यसमिति बनाएर समस्याको समाधान गर्न आदेश दिएको हो ।

‘उपचारबाट कसैले पनि विमुख हुन नपरोस भन्नाको लागि थप साधनयुक्त अस्पतालहरू संचालन गर्ने गराउनेतर्फ आवश्यक पहल गर्नुपर्ने समेतका समस्याहरूको समयमै आवश्यक सम्वोधन हुनुपर्ने अवस्था देखिएकोले आवश्यक पर्ने औषधी र अक्सिजनको आपूर्ति सहज बनाउनु, थप साधनयुक्त अस्पतालहरू संचालनमा ल्याउनु’– आदेशमा भनिएको छ।

सर्वोच्च अदालत कोरोना उपचार अस्पताल सञ्चालन सरकारलाई आदेश