माधव नेपाल पक्षका एमाले सांसदरुले सामुहिक राजीनामा दिने वताई रहेका वेला अध्यक्ष केपी शर्मा ओली र वरिष्ठ नेता माधवकुमार नेपाल बीच भेटवार्ता हुने भएको छ ।

प्रधानमन्त्री समेत रहेका अध्यक्ष ओलीले नै नेता नेपाललाई भेट गर्न प्रश्ताव गरेका थिए । बिहीबार बिहान बालुवाटारमा वसेको स्थायी कमिटी बैठक चलिरहेकै बेला ओलीले नेपाललाई फोन गरेका थिए । ओलीको प्रस्तावमा नेपाल सकारात्मक भएको प्रवक्ता प्रदीप ज्ञवालीले जानकारी दिए ।

स्थायी कमिटी बैठक अघि नेता विष्णु पौडेललले कोटेश्वर निवास पुगेर नेपाललाई भेटेका थिए । त्यस लगत्तै वसेको स्थायी कमिटी बैठकले नेपालसहित रावल, घनश्याम भुसाल र सुरेन्द्र पाण्डेको निलम्बन फुकुवा गर्ने निर्णय गरेको थियो ।

माधव पक्षले नेकपा एमाले र माओवादी केन्द्र अलग पार्टी वनेपछि ०७५ जेठ २ अघिकै अवस्थाबाट पार्टी सञ्चालन ल्याउनु पर्ने माग गर्दै त्यो सर्त नमाने राजीनमा दिएका छन् । उक्त माग पूरा गर्न अध्यक्ष ओलीलाई साढे ४ बजेसम्मको समय दिएको छ।

त्यो समय अघि नै ओली र नेपाल विच भेटघाट हुन सक्ने आँकल गरिएको छ। तर, अहिलेसम्म भेटघाटको समय निर्धारण गरिएको छैन ।

प्रधानमन्त्री ओलीले संसदबाट विश्वासको मत गुमाएपछि राष्ट्रपति विद्यादेवी भण्डारीले संविधानको धारा ७६ (२) अनुसार बहुमतको सरकार बनाउन दिएको तीन दिनको समय आज ९ बजे राती सकिदैछ ।