झापाको अर्जुनधारा नगरपालिकाका प्रमुख प्रशासकीय अधिकृत महेन्द्रकुमार खाम्याहाङको कोरोना संक्रमणका कारण निधन भएको छ ।

बिर्तामोडस्थित वीएण्डसी अस्पतालमा उपचारकै क्रममा उनको निधन भएको नगरपालिकाले जनाएको छ ।

खाम्याहाङ्गलाई वैशाख १० एन्टिजेन परीक्षण गर्दा पोजेटिभ आएको थियो । त्यसपछि गरिएको पीसीआरमा पनि कोरोना पोजेटिभ देखिएपछि सोहि दिनदेखि उनको उपचार थालिएको थियो ।

श्वासप्रश्वासमा समस्या देखिएपछि उनलाई वैशाख १७ गते वीएण्डसी अस्पताल भर्ना गरिएको थियो । संक्रमणपछि केही दिन आफ्नै क्वाटरमा बसेका खाम्याहाङ्गलाई २ दिन नगरपालिकाको आइसोलेसनमा राखिएको थियो ।