नेपालमा गत २४ घण्टामा ७९८९ जना कोरोना सङ्क्रमणवाट मुक्त भएका छन्। योसहित नेपालमा कोरोना सङ्क्रमणमुक्त हुनेको संख्या ३ लाख ६० हजार ४०३ पुगेको छ ।

सोहि अवधिमा ८१७३ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पीसीआर विधिबाट गरिएको परीक्षणमा ८०६४ जना र एन्टिजेन विधिबाट गरिएको परीक्षणमा १०९ जनामा सङ्क्रमण पुष्टि भएको हो । 

सङ्क्रमितमध्ये २४८६ जना काठमाण्डौ उपत्यकाका रहेका छन् । यसैगरी, २४ घण्टामा कोरोना सङ्क्रमणबाट २४६ जनाको ज्यान गएको छ । योसहित नेपालमा कोरोनाबाट ज्यान गुमाउनेको संख्या ५६५७ पुगेको छ ।