भोलि बागमती प्रदेशमा हुने राष्ट्रियसभा उपनिर्वाचनको केही घण्टाअगाडि आज प्रधानमन्त्री तथा एमाले अध्यक्ष केपी शर्मा ओलीले जारी गर्नुभएको अपिल निर्वाचन आचारसंहिताको ठाडो उल्लंघन भएको निर्वाचन आयोग श्रोतले बताएको छ ।

 

आयोगको आचारसंहितामा निर्वाचनभन्दा ७२ घण्टाअगावै कुनैपनि खालको प्रचार प्रसार र लिखित अनुरोध गर्न पाईंदैन । तर प्रधानमन्त्रीले आज दुई पृष्ठको विज्ञप्ति निकालेर एमाले निकट मतदातालाई आफ्नो उम्मेदवार रामबहादुर थापालाई मतदान गर्न आग्रह गर्नुभएको छ ।

 

“बादल स्वयमले मतदातालाई विवेकको मत प्रयोग गर्न दिने भनेको अवस्थामा आज अध्यक्ष ओलीले कार्वाहीको धम्की दिनु आपत्तिजनक रहेको बताइन्छ ।”

अर्कोतर्फ विज्ञप्तिमा उल्लेख गरिएका भाषा र थापालाई मागिएको मतले एमालेभित्र देखिन थालेको वार्ताको वातावरणसमेत बिथोलिने सम्भावना बढेको छ । विज्ञप्तिमा प्रयोग गरिएका भाषाले त्यस्तो सम्भावनालाई बढाएको एमाले स्रोतले बताएको छ ।

यसअघि एमाले वरिष्ठ नेता माधवकुमार नेपालसँग गृहमन्त्री बादलले हिजो मंगलबार कोटेश्वर गएर भेट्नुभएको थियो । भेटमा बादल स्वयमले मतदातालाई विवेकको मत प्रयोग गर्न दिने भनेको अवस्थामा आज अध्यक्ष ओलीले कार्वाहीको धम्की दिनु आपत्तिजनक रहेको बताइन्छ । नेता नेपाललाई उद्धृत गर्दै उच्च स्रोतले भनेको छ ‘यसले वार्ताको वातावरण बिथोलिने सम्भावना बढेको छ ।’

“यसवारे कुरै नउठाउने चपलीहाइट वार्तामा भएको सहमति तोडिएको घटनाक्रमले केपी ओली वार्ता र एकताप्रति गम्भीर नरहनुभएको नेता निकट स्रोतको दाबी छ । “

यसअघि प्रधानमन्त्रीेले बैशाख १६ गते पनि ‘अपराधकर्म’ शब्द उल्लेख गर्दै संसदमा विश्वासको मत लिनुअघि अपिल जारी गर्नुभएको थियो । पार्टीमा दुई पक्षवीच वार्ता शुरु हुनुअघि नै उम्मेदवारी तय भएको र यसवारे कुरै नउठाउने चपलीहाइट वार्तामा भएको सहमति तोडिएको घटनाक्रमले केपी ओली वार्ता र एकताप्रति गम्भीर नरहनुभएको नेता निकट स्रोतको दाबी छ ।

नेपालको प्रतिक्रिया उल्लेख गर्दै स्रोत भन्छ ‘उहाँ (अध्यक्ष) ले धम्कीको भाषामा अरुलाई जबर्जस्ती आदेशपालक बनाउन खोज्नुभएको छ,जुन गम्भीर र आपत्तिजनक छ ।’  स्रोतः जनआस्था