एकल वहुमतको सरकार वनाउन हौसिएका लुम्बिनी प्रदेशका मुख्यमन्त्री शंकर पोखरेललाई एकमाथि अर्को धक्का लागेको छ । उनले एकल बहुमतको सरकार गठन गर्न आइतबार मुख्यमन्त्रीको पदबाट राजीनामा दिएका थिए ।

एमालेका ४१ सांसदको गणना गरेर वहुमतको सरकार गठन गर्ने सोच वनाएका पोखरेलाई सांसद विमला खत्रीले पहिलो झट्का दिइन् । खत्रीले आफू नेकपा माओवादी केन्द्रमा रहने भन्दै प्रदेशसभा सचिवालयमा निवेदन दिएपछि पोखरेल ४० सांसदमा सिमित भए । 

आफुसँग पनि ४० र विपक्षी गठबन्धनसँग पनि ४० सांसद नै रहेको अवस्थामा पनि उनले मुख्यमन्त्री वन्ने प्रयास जारी नै राखे । यसै विचमा एमालेका अर्का सांसद दूग नारायण पाण्डेले राजीनामा दिएर पोखरेललाई दोस्रो झट्का दिए । कपिलबस्तु २ क बाट विजयी भएका पाण्डेले राजिनामा दिएपछि पोखरेलको सपना चकनाचुर भएको छ ।

यतिमात्र होईन, त्यसलगत्तै एमालेका अन्य दुई सांसद अजय शाही र धर्मलाल श्रीवास्तवले पनि राजिनामा दिएको जनाईएको छ । यद्यपी पोखरेलले मुख्यमन्त्रीमा पुनर्नियुक्ति पाएका छन् ।