मिर्मिरे लघुबित्त वित्तिय संस्था लिमिटेड शाखा कार्यालय चरिकोटले कोरोना संक्रमणबाट उपचार गराईरहेका विरामी र कुरुवालाई निःशुल्क खाना वितरण गरेको छ ।

 
आईतबार दोलखा सदरमुकामको चरिकोट प्राथमिक स्वास्थ केन्द्रमा उपचार गराई रहेका १ सय २३ जनालाई खाना वितरण गरिएको मिर्मिरे लघुबित्त वित्तिय संस्था लिमिटेड शाखा कार्यालय चरिकोटका प्रबन्धक इन्द्रजित बोहराले जानकारी गराए ।

 

खाना वितरण कार्यक्रममा लालिगुराउस युवा क्लबका अध्यक्ष प्रबिन श्रेष्ठ, दोलखा उद्योग  वाणिज्य महासंघका सचिब बिमल श्रेष्ठ र चरिकोट प्राथमिक स्वास्थ केन्द्र इन्चार्ज बिनोद डैगालको सहभागिता रहेको थियो । 

मिर्मिरे लघुबित्त वित्तिय संस्था लिमिटेड शाखा कार्यालय चरिकोटको आर्थिक सहयोगमा एक दिनको विहानी खाजा र खाना वितरण गरिएको शाखा प्रबन्धक बोहराले जानकारी दिए ।

‘कोभिड–१९ दोस्रो लहरको समयमा विरामी र कुरूवालाई आफ्नो कार्यालयबाट सानो भएपनि सहयोग गरेका छौँ । यो समयमा हामीले जस्ले जे सक्छ सहयोग र हातेमालो गर्नुपर्छ ।’ शाखा प्रबन्धक बोहराले भने । 

खाना वितरण