प्रधानमन्त्रीको कदम विरुद्ध कांग्रेसले हारगुहार थालेका छ। ओलीले संसद् विघटन गरेको विरोधमा उत्रिन नागरिक समाज, बौद्धिक समूहलगायतलाई आह्वान गरिएको छ।

देउवानिवास बूढानीलकण्ठमा आज विहान बसेको कांग्रेस पदाधिकारी र पूर्वपदाधिकारी बैठकले सरकारको कदमविरुद्ध उत्रिन सबैलाई आह्वान गरेको हो ।

बैठकमा राष्ट्रपति र प्रधानमन्त्रीको कदमविरुद्ध अदालतमा रिट दायर गरिसकेको अवस्थामा अन्य राजनीतिक गतिविधि कसरी गर्ने भन्नेबारे छलफल भएको बताइएको छ । सरकार कोरोना संक्रमणको आडमा राजनीतिक स्वार्थ पूरा गर्न लागेको कांग्रेसको आरोप छ ।

बैठकमा कोरोना महामारीसँगै राजनीतिक अवस्था पनि खराब भएकाले समाधानका लागि जनस्तरबाट दबाव दिनुपर्ने बेला भएको भन्दै सडक संघर्षको विकल्पमा अन्य दबावमूलक कार्यक्रम गर्नेबारे छलफल भएको थियो ।