कोरोनाले सर्वसाधारण नागरिकको वेहाल हुन थालेपछि खोपका लागि राष्ट्रपति राष्ट्रपति विद्यादेवी भण्डारीको सकृयता वढेको छ । उनले अमेरिकी राष्ट्रपति जो बाइडेनलाई पत्र पठाउँदै कोरोना भाइरसविरुद्धको खोप उपलब्ध गराइ दिन आग्रह गरेकी छिन् ।

अमेरिकास्थित नेपाली राजदूत डाक्टर युवराज खतिवडाले खोप आपूर्तिका लागि अनुरोध पत्र अमेरिकी विदेश मन्त्रालयमा बुझाएको दूतावासले जनाएको छ ।

खतिवडाले अमेरिकी स्टेट डिपार्टमेन्टका वरिष्ठ सल्लाहकार एर्भिन मासिंगालाई राष्ट्रपति भण्डारीले पठाएको पत्र बुझाएका छन् । जवाफमा मासिंगाले जतिसक्दो चाँडो कोभ्याक्स सुविधा र द्विपक्षीय संयन्त्रमार्फत खोप उपलब्ध गराउन अमेरिकाले पहल गर्ने जानकारी दिएको दूतावासले जनाएको छ ।

नेपालले अमेरिकाबाट केही अनुदान र केही खरिद मार्फत खोप ल्याउन चाहेको जनाईएको छ । विशेषगरी अमेरिकाले चाँडै विभिन्न देशलाई बाँड्न लागेको ८ करोड खोपमध्ये केही खोप दिन नेपालले अमेरिकालाई आग्रह गरिरहेको छ ।

यसअघि राष्ट्रपति भण्डारीसमेतको आग्रहमा चिनियाँ राष्ट्रपति सि जिनपिङले नेपाललाई १० लाख डोज कोरोना खोप दिने घोषणा गरको छन भने खोप खरिदका लागि पनि आवश्यक सहजीकरण गरिदिने वचन दिएका छन् । राष्ट्रपछि सि जिनपिङले अनुदानमा दिने भनेको चिनियाँ खोप लिन मंगलवार नेपाली जहाज त्यस तर्फ जाने तयारी छ ।