जेठ १३ गते नेपाल आजबाट प्रकाशित ‘सर्वाङ्ग अस्पतालको लुट धन्दा, विरामीलाई थुनेर थमाईयो १२ लाखको विल’ शिर्षकमा समाचार प्रकाशित भएपछि जिल्ला प्रशासन कार्यालय ललितपुरको ध्यानाकर्षण भएकोछ । 

नेपाल आजबाट समाचार प्रकाशित भएपछि जिल्ला प्रशासन कार्यालय ललितपुरले जेठ १३ गतेबाट नै आवश्यक अुनसन्धान थालेको छ । अस्पतालबाट विरामीलाई भएको अन्यायका बारेमा आवश्यक छानबिन गर्न अनुसन्धान थालेको ललितपुरका प्रमुख जिल्ला अधिकारी ढुण्डी प्रसाद निरौलाले जानकारी दिए । उनले भने– ‘हामीले बिहिवार सूचना प्राप्त गरेपछि आवश्यक अनुसन्धानका लागि महानगरिय प्रहरी, जिल्ला स्वास्थ कार्यालय र सम्बन्धित अस्पताललाई पत्रचार गरेका छौँ । आज हाम्रो कार्यालयबाट पनि अनुसन्धानको टोली गएको छ ।’

आईतबार जिल्ला स्वास्थ कार्यालय ललितपुरले सर्वाङ्ग अस्पतालमा अनुगमन गरेको छ । जिल्ला प्रशासन कार्यालय ललितपुरले अस्पतालको बारेमा आवश्यक अनुसन्धान गर्न पत्राचार गरेपछि कार्यलयका प्रमुख डा. खगेश्वर गेलालको नेतृत्वमा गएको टोलीले अस्पतालमा अनुगमन गरेको हो ।

सर्वाङ्ग अस्पतालमा अनुगमन गर्दै जिल्ला स्वास्थ कार्यालयको टोली 

अनुगमनपछि नेपाल आजसँग कुरा गर्दै कार्यालय प्रमुख गेलाले भने–‘हामीले विरामीको अवस्था कस्तो थियो ? कहिले भर्ना भएको हो ? कुन शिर्षकमा कति खर्च भएको छ ? भन्ने बारेमा अस्पतालसँग सबै कागज माग गरेका छौ ।’

कुपन्डोलका इन्द्र सिहंलाई बैशाख २६ गते कोभिड संक्रमणले स्वासप्रश्वासमा समस्या भएपछि आफन्तले सर्वाङ्ग अस्पतालमा भर्ना गरेका थिए । सिहंलाई लगातार १८ दिनसम्म आईसियुमा राख्दा पनि अस्पतालले स्वास्थ्य अवस्था गम्भिर रहेको भन्दै अझै आईसियुमा राख्न दवाब दिएको आफन्तको आरोप छ । स्वास्थ अवस्था सामान्य रहेका सिहंलाई अनावश्यक रुपमा भेन्टिलेटरमा नै राखेर १२ लाख असुली गरेको भन्दै आफन्त मिडियामा आएका थिए । 

सर्वाङ्ग अस्पताले आईसियु मै राखेर उपचार गर्नुपर्छ भनेका विरामीलाई त्यहाँबाट डिस्र्चाज गरेर किर्तिपुर अस्पतालमा लगेपछि विरामी सामान्य अवस्थामा उपचार गराई रहेको पारिवारिक स्रोतले जानकारी दियो ।
 

यो पनि

सर्वाङ्ग अस्पतालको लुट धन्दा, विरामीलाई थुनेर थमाईयो १२ लाखको विल

 

सर्वाङ्ग अस्पताल