प्रधानमन्त्री तथा नेकपा एमालेका अध्यक्ष केपी शर्मा ओलीले पार्टीको स्थायी कमिटी बैठक वोलाएका छन् ।

थप स्पष्टीकरण सोधिएका १२ जना नेतामाथि कारवाही गर्ने कि नगर्ने भन्ने विषयमा वैठकमा छलफल हुने र निष्कर्षमा पुग्ने जनाईएको छ । बैठक प्रधानमन्त्री निवास बालुवाटारमा आज ५ बजे बस्दैछ।

एमालेले विरोध खतिवडा, जीवनराम श्रेष्ठ, घनश्याम भुसाल, सोमप्रसाद पाण्डे, कृष्णलाल महर्जन, झपट रावल, भवानीप्रसाद खापुङ, यज्ञ सुनुवार, सुरेन्द्र पाण्डे, मेटमणि चौधरी, दीपकप्रकाश भट्ट र नारायण खतिवडालाई स्पष्टीकरण सोधेको थियो।

उनीहरू कसैले स्पष्टीकरणको जवाफ दिएका छैनन्। घनश्याम भुसालले भने शनिवार सामाजिक सञ्जाल मार्फत स्पष्टिकरण दिएका थिए । एमालेको स्थायी कमिटीले यसअघि माधव नेपाल, झलनाथ खनाल र भीम रावलसहित ११ जनालाई पार्टीबाट निष्कासन गरिसकेको छ।