गुगलले उपलब्ध गराउँदै आएको ‘फ्रि स्टोरेज’ सुविधा भोलि अर्थात जुन १ देखि हट्ने भएको छ । जुन १ देखि गुगलले अन्लिमिटेड स्टोरेज सुविधा हटाएर जम्मा १५ जिबी स्टोरेज मात्र उपपलब्ध गराउने छ । भोलिदेखि तपाईको जीमेल खातामा जम्मा १५ जिबि स्पेश रहनेछ । 

यो स्पेस केवल फोटो र भिडियोहरू अपलोड गर्नकालागि मात्र नभएर ईमेल, गुगल ड्राईभको लागि पनि हो । गुगलले उपलब्ध गराउँदै आएको फ्रि स्टोरेज सुविधाले स्मार्टफोन प्रयोगकर्ताहरू मर्कामा पर्नेछन् । यसको विकल्पमा गुगलले निश्चित शुल्क लिएर स्टोरेज उपलब्ध गराउनेछ अर्थात अब १५ जीबि भन्दा बढि स्टोरेजका लागि प्रयोगकर्ताले स्पेश किन्नु पर्नेछ । 

जुन १ अघि अघिसम्म गुगल स्टोरेजमा अपलोड भएका फोटो र भिडियोमा भने केही परिवर्तन नहुने गुगलले जनाएको छ । यस अघि अप्लोड गरिएका फोटो तथा भिडियोहरु १५ जिबीको स्टोरेजमा पनि सिमित हुने छैनन् ।  

२०२१ जुन १ पछि भने गुगलले प्रयोगकर्ताको स्टोरेज फूल हुन लागेमा अगाडि नै सूचित गर्नेछ । पाँच वर्षअघि गुगलले फोटोहरु सुरक्षित गर्न गुगल फोटो एप सुरु गरेको थियो । यो फ्रि स्टोरेज सुविधामा प्रयोगकर्ताले जति पनि फोटोहरु खिचेर राख्न सक्थे । गुगलका अनुसार गुगल फोटोमा हालसम्म करिब ४ ट्रिलियन फोटो छन् । हरेक हप्ता यसमा २८ बिलियन फोटो र भिडियो अपलोड हुने गर्छ ।