प्युठानमा कोरोना महामारी तिव्र हुँदै गएपछि कोभिड अस्पतालका अधिकांश शैय्या बिरामीले भरिभराउ भएका छन् । अस्पतालमा विरामी भर्ना गर्न सक्ने अवस्था छैन ।

संक्रमित राख्ने ठाउँ नभएकै कारण बिरामीले उपचार नपाउने अवस्था सिर्जना भएको छ । जसका कारण उपचार नपाएरै संक्रमितको मृत्यु हुन थालेको छ । पालो पर्खिदा पर्खिदै विरामीले ज्यान गुमाउने अवस्था आएको स्थानीयहरु वताउँछन्।

प्यूठानको सरुमारानी गाउँपालिका बाङ्गेसालका ४२ बर्षीय पुरुषको कोरोना संक्रमणका कारण एक हप्ताअघि मृत्यु भयो । यसैगरी वैदेशिक रोजगारीका लागि भारत गएको एक जना १५ दिनअघि फकिएर होम क्वारेनटिनमा बसेका थिए । बैशाख १२ गते कोरोना परीक्षण गर्दा संक्रमण पुष्टि भएका उनले उपचार नै पाएनन् । अस्पतालमा शैय्या खाली नभएपछि प्यूठानबाट दाङ र त्यहाँबाट अन्यत्र लैजान भनियो । तर, अस्पताल चहार्दा–चाहार्दै उनको मृत्युभयो । 
 
रुपन्दैहीको देवदहकी ४९ वर्षीया महिलाको पनि उपचार नपाएरै मृत्यु भएको उनको आफन्तले वताए । श्वासप्रश्वासमा समस्या देखिएपछि उनलाई आइसीयू आवश्यक रहेपनि लुम्बिनी प्रादेशिक अस्पतालमा शैय्या खाली नहुँदा उपचार नपाएर उनको मृत्यु भएको उनीहरुको भनाई छ ।

यति मात्रै होईन, पछिल्लो समय कोरोना संक्रमणपछि उपचारै नपाएर ज्यान गुमाउनेको संख्या वढ्दै गएको छ । संक्रमित वढ्दै गएपछि स्वास्थ्य संस्थाको क्षमता वृद्धि नहँदा संक्रमितले उपचारै नपाइ मुर्न परिरहेको छ । 

संक्रमण वढ्दै गएपनि उपचार र रोकथामका लागि जिल्लामा गरिएको तयारी पर्याप्त नहुँदा यस्तो अवस्था आएको नागरिकहरुको गुनासो छ ।