प्रधानमन्त्री केपी शर्मा ओलीले वैशाख २७ गते लिने विश्वासको मत विरुद्ध रणनीति वनाउन नेपाली कांग्रेर नेकपा माओवादी केन्द्रको वैठक वसिरहेको छ।
 
कांग्रेस पदाधिकारी बैठक सभापति शेरबहादुर देउवा निवास बूढानीलकण्ठमा बसिररहेको छ । मंगलबारको वैठकले प्रधानमन्त्री ओलीले विश्वासको मतप्राप्त गर्ने अवस्थामा वा नगर्ने अवस्थामा कांग्रेसले लिने रणनीतिका विषयमा निर्णय लिने जनाईएको छ । 

कांग्रेसभित्र ओलीको विस्थापनपछि आफ्नै नेतृत्वमा सरकार बनाउनुपर्ने बलियो मत छ । र, यसअघिको कांग्रेस पदाधिकारी बैठकले वैकल्पिक सरकार निर्माणबारे छलफल गर्ने निर्णय पनि गरेको थियो ।

तर, जनता समाजवादी पार्टी (जसपा)ले निर्णय लिन नसक्दा कांग्रेस अविश्वास प्रस्तावको प्रयासबाट पछाडि हटेको थियो । 

यसैगरी, नेकपा माओवादी केन्द्रको स्थायी कमिटी बैठक पार्टी मुख्यालय पेरिसडाँडामा वसिरहेको छ । विस्वासको मत लिने ओलीको घोषणापछि माओवादीको यो पहिलो पटक बैठक हो।

ओली नेतृत्वको सरकारलाई माओवादी केन्द्रको समर्थन छ। ओलीले लिने विश्वासको मत असफल गराउने र वैकल्पिक सरकार निर्माणबारे स्थायी कमिटीमा छलफल भईरहेको जनाईएको छ।