बैतडीमा चट्याङ लागेर मृत्यु भएका वडा सदस्यको शव बोकेको जिप दुर्घटना हुँदा चार जनाको मृत्यु भएको छ ।

पञ्चेश्वर गाउँपालिका–६ का वडा सदस्य गोविन्द भण्डारीको शव बोकेर जिप दुर्घटनामा परेको थियो । सदरमुकामतर्फ जादै गरेको से १ ज १८३ नम्बरको जीप सोही वडाको गणमेश्वर मोडमा दुर्घटना भएको जनाईएको छ ।

जिप दुर्घटनामा पञ्चेश्वर गाउँपालिका–६ का ५० वर्षीय जितसिंह भण्डारी, डम्मरसिंह भण्डारी, हिम्मत भण्डारी र दीपक भण्डारीको घटनास्थलमै मृत्यु भएको जिल्ला प्रहरी कार्यालयले जनाएको छ । घाईते भएकाहरुलाई उपचारका लागि अस्पताल पठाईएको र दुर्घटनाको विषयमा थप जानकारी आउन वाकी रहेको प्रहरीले जनाएको छ ।