कोरोनाका कारण न्याय परिषद्का सदस्य एवं वरिष्ठ अधिवक्ता लक्ष्मीबहादुर निराला खड्काको निधन भएको छ। ७७ वर्षको उमेरमा उनको निधन भएको हो ।

कोरोना सङ्क्रमण भएपछि उनलाई वैशाख १० गते सशस्त्र प्रहरी अस्पतात, बलम्बुमा भर्ना गरिएको थियो । कोरोना सङ्क्रमणकै कारण उनको निधन भएको परिषद्का प्रवक्ता मानबहादुर कार्कीले जानकारी दिए।

जनकपुरमा जन्मिएका पूर्वमहान्यायाधविक्तासमेत रहेका खड्का काठमाडौंको गौरीघाट वस्दै आएका थिए । उनको कानुन र न्यायका क्षेत्रमा ठूलो योगदान रहेको छ । उनी ०७६ पुसमा न्याय परिषद् सदस्य बनेका थिए।