सत्ता समिकरणको दौडधुप सुरु भएसँगै नेपाली कांग्रेसका सभापति तानातानमा परेका छन। नेकपा माओवादी केन्द्र, जसपा, एमाले माधव समुह देखि प्रधानमन्त्री केपी ओलीसमेतले देउवाको मुख ताकिरहेका छन् ।

यसैक्रममा नेकपा (एमाले) का वरिष्ठ नेता माधवकुमार नेपाल देउवालाई भेट्न उनको निवास बूढानीलकण्ठ पुगेका छन्।

करिव ६ बजेदेखि दुई नेताहरूबीच देउवा निवासमा भेटवार्ता चलिरहेको छ। नेपालसँगै एमाले नेता भीम रावल पनि छलफलमा सहभागि भएका छन् ।

यसअघि बुधबार मात्रै प्रधानमन्त्री एवं एमाले अध्यक्ष केपी शर्मा ओलीले दलवलसहित देउवालाई भेटेका थिए । समस्यामा पर्न थालेपछि नेताहरुको दैलोमा पुग्ने गरेका ओलीले वुधवार पनि देउवाको निवासमै पुगेर भेट गरेका थिए ।

ओलीले आफूलाई विश्वासको मत दिन कांग्रेसलाई आग्रह गरेपनि कांग्रेस नेताहरूले विश्वासको मत नदिने प्रष्ट पारेका थिए। कांग्रेसको पदाधिकारी वैठकले समेत ओली सरकारलाई विश्वासको मत नदिने निर्णय गरिसकेको छ ।