कोरोना संक्रमितका लागि अक्सिजन अभाव हुन थालेपछि सरकारले खालि सिलिण्डर संकलन सुरु गरेको छ। खालि रहेका सिडिण्डर उपलब्ध गराउन सार्वजनिक सुचना समेत जारी गरिएको छ ।

तर, झापामा भने लुकाएर राखिएको १३३ थान खालि सिलिन्डर प्रहरीले वरामद गरेको छ ।

प्रहरी टोलीले विभिन्न स्थानबाट १३३ वटा अक्सिजन सिलिन्डर बरामद गरिसकेको जिल्ला प्रहरी कार्यालयले जनाएको छ । इलाका प्रहरी कार्यालय अनारमनी क्षेत्रबाट ९०, धुलाबारी क्षेत्रबाट १९, दमक र काँकरभिट्टा क्षेत्रबाट १२–१२ ओटा सिलिन्डर वरामद गरिएको प्रहरीले जनाएको छ ।

विभिन्न उद्योग, कलकारखाना तथा ग्यारेजमा रहेका अक्सिजनका सिलिन्डरहरू प्रहरीले संकलन गरिरहेको छ।

झापामा अझै केही अक्सिजन सिलिन्डर लुकाएर राखिएको हुनसक्ने प्रहरीको अनुमान छ। 
 

कोरोना संक्रमित अक्सिजन अभाव खालि सिलिण्डर संकलन