काठमाण्डौंको जोरपाटी स्थित नारायणटारमा रहेको विआईए (वोधिसत्व इन एक्सन) फाउण्डेसनमा आश्रय लिएका अपाङ्गता भएका ब्यक्ति माथि श्रम शोषण भईरहेको गुनासोले विगत दुई साता अघिदेखि निकै चर्चामा छ ।

यस सम्वन्धमा नेपाल आजले सम्वन्धित पक्षसँग सम्पर्क गरेर वास्तविक्ता पत्ता लगाउने र यथार्थ पस्किने प्रयास गरेको थियो । जस अन्तर्गत गत आइतबार (३० जेठ २०७८) ‘दुःख देखाएर चन्दाको ब्यापार गरिएकोमा अपाङ्गता भएकाहरुको प्रचन्ड आक्रोश’ शिर्षकमा समाचार प्रकाशन भयो ।

समाचारमा विआईएको अभियानमा सहभागिस्वदेशी तथा बिदेशी स्वयमसेवकहरु बिचमा मोर्चाबन्दी भएर नेपाली टिम वाहिरिएको र पछि विदेशी टिममा पनि फाटो ल्याएर छिन्न भिन्न पारिएकाले विआईएको अवस्था दिनदिनै खराव हुँदै गएको विषयलाई उठाईएको थियो । 

यसैगरी, ब्यबस्थापक गोकर्ण ढुङ्गानाको गलत कृयाकलापले अपाङ्गता भएका ब्यक्तिले अपामानित महसुस गरेको, श्रम शोषण गरिएको र कमिकजोरी औल्याउँने अशक्तहरुलाई निकाली दिने धम्की दिने गरेको विषयलाई समाचारमा उठाइएको थियो ।

समाचार प्रकाशन/प्रशासरण भएपछि विआईएका ब्यवस्थापक ढुङ्गानाले पुनः अपाङ्गता भएका ब्यक्तिहरुलाई धम्की दिएको पाईएको छ । समाचारका प्रकाशन/प्रशारण भए लगत्तै फाउण्डेसनको कार्यालयमा पुगेका उनको हाउभाउ र प्रस्तुती असामान्य थियो । रिस र हडवडिका कारण अनुहार रातो–रातो देखिएको थियो भने उनको वोली पनि अनियन्त्रीत थियो । उनले अपाङ्गता भएका ब्यक्तिहरुलाई भेटेर आइन्दा मिडियासँग कुराकानी नगर्न र ब्यवस्थापनको विषयलाई लिएर टिकाटिप्पणी नगर्न निर्देशन दिए । अत्यन्तै हडवडिमा आफना कुरा राखेका ढुङ्गानाले निर्देशन अनुसार नगर्नेलाई आश्रय स्थलवाट निकालि दिने धम्की दिएको एक अशक्तले वताए । ‘निकै हडवडिमा आउनु भो र हडवडाएरै वोल्नु भयो’ उनले भने–‘वोली त धेरै वुझिएन तर वहाँ निकै आवेशमा देखिनु हुन्थ्यो । आफुखुसी मिडियामा कुरा राखे निकाली दिने धम्की दिएर जानु भो।’ 

ब्यवस्थापक ढुङ्गानाले भने विआईएमा अपाङ्गता भएका ब्यक्तिको श्रम शोषण भएको र उनीहरुलाई दुःख दिईएको कुरा अस्विकार गरेका छन् । ‘हामीले वहाँहरुलाई तलव दिएको होईन, काम गरे वापतको इन्सेन्टिभ दिएको हो। सवैले पाउनु भएको छ’– उनले भनेका छन् ।

यो पनि

दुःख देखाएर चन्दाको ब्यापार गरिएकोमा अपाङ्गता भएकाहरुको प्रचन्ड आक्रोश

श्रम शोषण विआईए अपाङ्गता भएका ब्यक्ति गोकर्ण ढुङ्गाना